عندك مشكلة ومش لاقي لها حل .. خلينا أقولك الزتونه بدل ما نفضل نلف وندور على الفاضي 😎 - يقول النبي صلي الله عليه وسلم | يَنْزِلُ رَبُّنا تَبارَكَ وتَعالَى كُلَّ لَيْلةٍ إلى السَّماءِ الدُّنْيا حِينَ يَبْقَى ثُلُثُ اللَّيْلِ الآخِرُ، يقولُ: مَن يَدْعُونِي، فأسْتَجِيبَ له؟ مَن يَسْأَلُنِي فأُعْطِيَهُ؟ مَن يَستَغْفِرُني فأغْفِرَ له؟ ** ركز معايا في الكام نقطة دول ها 🤚 - ربنا بيقول | مَن يَدْعُونِي، فأسْتَجِيبَ له؟ * ها عندك اية محتاجة من ربنا ، مستني اية نفسي أعرف انك تقوم تصلي وتقوله يارب انا عاوز كذا وكذا وكذا ! - طيب ما انا مكسوف اني أطلب الحاجات دي من ربنا ! * لية هتطلب منه دنيا يعني وكدا ؟! - بصراحة آه * طيب اسمع يا سيدي يقول النبي صلي الله عليه وسلم |لِيَسْأَلْ أَحَدُكُمْ رَبَّهُ حَاجَتَهُ كُلَّهَا؛ حَتَّى يَسْأَلَ شِسْعَ نَعْلِهِ إِذَا انْقَطَعَ! ، شفت بقا انك عادي تسأل ربنا كل حاجة كل حاجة - طيب مانا ممكن أدعي وفي الآخر ميحصلش استجابة ؟ * خلينا أكمل لك بقا الهدية التانية |مَن يَسْأَلُنِي فأُعْطِيَهُ؟ * أهو بيرد عليك بضبط ، بيقولك سبحانه وتعالى ، اسالني بس انت وانا اديك ، أي كان أوعي تظن بربنا عز وجل انه هيمنع عنك حاجة ، عارف لية .. * النبي صلي الله عليه وسلم قال |إنَّ ربَّكم حييٌّ كريمٌ يستحيي من عبدِه أن يرفعَ إليه يدَيْه فيرُدَّهما صِفرًا أو قال خائبتَيْن ، يعني ربنا سبحانه وتعالى يستحي إنه يرجعك ايدك فاضية ، يبقي ازاي تتكسف تدعي ربك سبحانه وتعالى ! -طيب وذنوبي أعمل فيها اية طاه ؟ * ما دي الهدية الثلاثة يا صديقي| مَن يَستَغْفِرُني فأغْفِرَ له؟ * يعني لو ذنوبك هي العائق اللي قدام انك تقوم دلوقتى لربنا وترفع ايدك له وتصلي قيام الليل له دلوقتى ، فمتقلقش خالص ، الذنوب دي هتتغفر كلها ! *أكن ربنا سبحانه وتعالى بيقول لينا " اوعي تفتكر اني علشان ذنوبك مش هقبلك ، حتي لو بتعمل ذنوب الأرض كلها مادام قومت ليا بليل ودعتني ورفعت ليا اللي انت محتاجة انا هغفر لك الذنوب دي كلها بس انت قوم واستغفر وارجع تاني ليا" ربك كريم يا صديقي ، بس احنا الشيطان بيضحك علينا . - طيب أخر حاجة والله هسألك فيها ، أحيانا نفسي بتقولي اني مهما عملت عمره ما هيقبلني علشان في ذنب مش قادر أسيبه ، ذنب تعبني جدا جدا ، وانا والله نفسي أسيبه ، لكن مش عارف والله ، وده بيخلني أكسل عن قيام الليل وعن الدعاء لربنا . * ومين قال يا صديقي انك لازم تكون معصوم علشان تقوم تصلي ، مين قال أصلا ان في حد معصوم ، عارف النبي صلي الله عليه وسلم قال اية | ما من عبدٍ مؤمِنٍ إلَّا وله ذنبٌ ، يعتادُهُ الفينَةَ بعدَ الفينَةِ ، أوْ ذنبٌ هو مقيمٌ عليه لا يفارِقُهُ ، حتى يفارِقَ الدنيا ، إِنَّ المؤمِنَ خُلِقَ مُفَتَّنًا ، توَّابًا ، نَسِيًّا ، إذا ذُكِّرَ ذكَرَ. * يعني الذنب في حياتك ك مؤمن مرحلة ، الذنب مش سرطان قاتل ، الذنب ده بتجاهد فيه نفسك ومش بتصر عليه ومش بتجهر بيه ، الذنب ده كل اما بتقع بتقوم تاني ولو وقعت ألف مرة تفضل تقوم ، اوعي تيأس ، النبي صلي الله عليه وسلم وضح لينا في الحديث ده انك دايما هتلاقي ذنب تعبك وذنب بيكسرك يا صديقي ، المهم " اوعي تصر على الذنب ده ، اوعي تجهر بالذنب ده ، اوعي تدعو للذنب ده ، اوعي ترضي بالذنب ، اوعي تمل من التوبة " --مهما حصل! * مهما حصل يا صديقي ❤️❤️ بقلم إسلام بن أشرف صاوي https://www.facebook.com/photo.php?fbid=1676534102681867&set=a.122579634743996&type=3
