(١) كنت بتفرج علي حلقة صاحبه السعاده مع محمد صلاح و سألته سؤال عن ماجي مراته قالتله هي ايه نشاطتها فقالها انها واخده بالها من اولادهم فقالتله يعني معندهاش نشاطات خيرية ؟؟؟ قالها لأ ردت انها متأكده انه قدام هيبقي ليها نشاطات خيرية و اعمال! —————————————————— (٢) رامي رضوان كان بيكلم الممثلة بتاعة (هند و الدكتور نعمان) و هي عايشة في امريكا فقالتله انها ام لتؤام و بتهتم بيهم فسألها تاني انتي بتعملي ايه في امريكا؟ فقالتله انا خلصت مدرسة و اتجوزت بدرى و خلفت و إن مامتها ماتت و هي طفلة و عشان كدا أولادها بالنسبالها أولويه و انها تقضي معاهم و قت و تاخد بالها منهم —————————————————— ..احنا محتاجين سنين ضوئية عشان نفهم ان الأم اللي اختارت تبقي مع أولادها مش ست فاضية و لا هي معندهاش طموح! ..محتاجين سنين عشان نفهم ان الست اللي قاعده مع أولادها مش ست واقفة في مكانها ..محتاجين نفهم انه التطوير له علاقة بالشخص، شغلك مش بيطورك و لا قاعدتك في البيت بتوقف تطورك الفكره كلها فيك انت و بتستخدم وقتك ازاي! ..محتاجين سنين عشان نفهم انه لما اسأل حد انت بتعمل ايه دلوقتي و يقول انه "ماما" انه مش محتاج يعمل حاجة تانيه في حياته عشان يزودها قيمة! لان قيمته في نفسه و انه حرفياً اختار أصعب شغلانه يقوم بيها! Cpd https://www.facebook.com/photo.php?fbid=1671214773213800&set=a.122579634743996&type=3
